كل ماتحتاجين معرفته و مراجعة لجهاز القهوة من نيسبريسو | Review Nespresso EN520W Lattissima ..

Nespresso EN520W Lattissima

السلام عليكم ،

جهاز القهوة من نيسبريسو 💕

دليلك في هالنوعية من أجهزة نيسبريسو ،

وكل مايتعلق فيها .. موضوعي اليوم بغطي فيه

هالجوانب كلها ..

- نوع الجهاز وأماكن الشراء

- طريقة الأستخدام الصحيحة 

- نصائح مهمة لو كنتي مفكرة تقتني الجهاز

أو لو كان عندك ..

- طريقة التنظيف الصحيحة للجهاز ..

- طريقة تغيير درجة حرارة القهوة 

-

من فتحت سنابي وإنستقرامي تقريباً ..

من ١١ شهر تقريباً واغلب الاسألة تجيني عنها

ووش نوع جهازي وومن وين شريته ..

فاليوم بتكلم بالتفصيل عنها ..

وبقولكم وش افضل نوع حسب احتياجكم  تشترون من نيسبريسو 

- نوع جهازي:

Nespresso EN520W Lattissima+ System by De'Longhi ..

الجهاز مصنوع في ايطاليا ،

موقع نيسبريسو بالعربي هنا 

مواصفاته وبعض التفاصيل من موقعهم :

• DeLonghi Silver Nespresso Lattissima Plus Espresso Maker. 6.7"Wx12.6"Dx10.2"H
• Metal and plastic
• BPA-free plastic water reservoir and milk container
• 19 bars of pressure
• One-touch milk frother
• 30 oz. water tank
• 12 oz. milk container
• Hand wash water reservoir and milk container
• Clean with a damp cloth

بإختصار :

- يحتوي على صانع للحليب متصل مع الآلة ..

- يحتوي على حافظة للماء

- من وين: 

الجهاز زي ماتشوفون عندي 2 منه ..

واحد للبيت والثاني المفروض يكون بمكان ثاني! 

بس صارت صدفة كلهم عندنا بالبيت ..

" وآخر البوست بكتب قصة صارت لي مع الجهاز الثاني "

المهم ، اشتريت هالجهازين من 4 سنين تقريباً

من أمريكا .. وتحديداً من لوس انجلوس " بحكم اني كنت مقيمة فيها " 💕

ومن وين بالضبط؟

من محل مشهور بأمريكا وانصح فيه جداً

كتسوق أون لاين للمطبخ والبيت ..

 وبرضو لأدوات الطبخ والاجهزة المطبخية والمواعين !

بنات امريكا انصحكم فيه يبكي من كثر ماهو جمييييل المحل ❤❤

بس ترا غالي شويتين ، بس كل شي عنده

عبارة عن تحفة فنية وجودة 💕😌

انصحكم تاخذون لفة بموقعهم " يشحن دايركت للسعودية "

- اسم المحل: 

crate & Barrel 💕 ..

وهنا موقعهم 

وهنا صفحة جهازي من عندهم

- ليش ماشتريته من محل نيسبريسو نفسه ؟

جت صدفة..

هالمحل لاصق ببيتي..

ومريت شريتهم منه ، لكن السعر نفسه بكل مكان 👍

مايفرق شريته من محلهم أو من محلات تعتبر موزع لهم

زي مثلاً " ساكو " بالسعودية ..

- إختياري للجهاز: 

عشان اشتريهم ، جلست اقارن واقرأ واتثقف شهور عنهم..

وازور محلاتهم واخليهم يشرحون لي .. وادون ملاحظاتي! 

وممكن تستغربون ليش أخذت وقتي اتفحصهم واقرر لاني

أحب اشتري الشئ وانا مقتنعة فيه ١٠٠٪

ويناسب احتياجاتي ويغطيها تماماً ..

لان الاجهزة ماكانت رخيصة " خصوصاً اول ماطلع الجهاز "

وكنت ابي اخذها عن اقتناع تام..

المهم بعد التدقيق والتمحيص والتفحيص 😂

وقع اختياري على هالجهاز..

ليش؟

لانه يناسب احتاجي ، يوفر لي التالي:

- اسبريسو مقاسين

- لاتيه

- كابتشينو

لازم تركزين في أحتياجك من جهاز القهوة ..

هل أنتي مدمنة اسبريسو فقط او تحبين الكابتشينو والاتيه اكثر ؟

في عوامل كثير لازم تحطينها بعين الاعتبار قبل تشترين أي جهاز

قوة خاص فيك .. لاتشترينه لمجرد انك شفتيه عند فلانه او علانه !

او لان احد سوا له دعاية !

اشتريه لانك تحتاجينه وبتسخدمينه سنيين ..

- وش تفرق عن الجهاز الي بدون صانع الحليب ؟

مايفرق ولاشي بالطعم .. نفس الجودة ونفس الشي! 

بس الي بدون صانع الحليب أرخص وسعرها اقتصادي ..

وتناسب اصحاب الميزانية المحدودة ،

وبأمكانك تشترين صانع الحليب بشكل منفصل

وبعض الاجهزة يجي معها صانع الحليب بشكل منفصل ..

" وعلى فكرة عندي اياها الي بس لانها مو عملية مااستخدمها "

ماشريتها جتني هدية 💕 ..

+

مافيها خيار الاتية والكابتشينو ..

لازم تسوين كل شي منفصل وتحطينهم بعدين بكوب واحد ☕

لكن " لاتيسما " 💕

تسوي لي كل شي مرة وحدة وبكوب واحد ☕

- وش اختار / نوع ؟

انتي تقررين احتياجك ..

ماقدر أقرر عنك ! ودايم يجيني هالسؤال

ريم وش تنصحيني اشتري ؟ مادري بنات سؤال صعب بالنسبة لي

بس إن شاء الله بعد هالموضوع تقدرين تقررين وش الانسب لك ..

لكن أكررها ، كطعم وجودة قهوة ماتفرق ابد! 

وهذا أكثر سؤال كنت انشب لموظفين نيسبريسو فيه " قبل اشتريها " 😂 ..

ودايم يقولون لي حسب " احتياجك "

لان سابقاً قبل سنيين ماكان فيه مراجعات للجهاز ونادر احصل مواضيع عنها

لكن انا توصلت للآتي ..

الي بدون صانعة الحليب اسم الموديل "U" ..

وكذا يكون شكلها 

تناسب للمكاتب / الدوام

لأنها صغيرة وماتاخذ مساحة في مكتبك ،

وطريقة تنظيفها أسهل من لاتيسما !

وأرخص ..

وبأمكانك تشترينها بدون صانع الحليب 

لاتيسما بسبب حجمها الاكبر شوي تناسب البيت اكثر 💕 ..

- بكم ؟

ماقدر اقول بكم لاني ماخذتها من سنييين 

واكيد وقتها كانت اغلا من الحين! 

الحين طلعت موديلات جديدة ورخصت حقتي شوي..

لكن تظل اكثر جهاز عليه طلب عندهم 

وطوروا الجهاز وصار بدل الازارير ماتكون ضعط

صارت " Touch "

- لكن خلال كتابتي للموضوع هذا ،

نيسبريسو عاملين تخفيض ٥٠٠ ريال عن كل جهاز ..

زورا صفحتهم هنا للتأكد من توفر التخفيض للأن

- فرق الكهرب عليك ؟

بما ان أجهزتي من امريكا ، فالفيش حقها غير..

وكهربها بس 110 ..

لامافرق والفيش جبت له توصيلة 😉

( نصائح مهمة  )

أولاً:  طريقة لرفع درجة حرارة القهوة :

الكثير يشتكي من برودة قهوته ، وان الجهاز مايعطيهم حرارة قهوة ممتازة

وتكون بالاغلب تميل الى أنها دافية !

وهالشئ سألت عنه موظفين نيسبريسو بأمريكا " قايلة لكم اني ناشبة لهم ههه "

وقالوا السبب الرئيسي في انهم مايرفعون درجة حراره الجهاز 

لانها هذي الدرجة الصحية والأمنه منعاً من الحروق لاسمح الله لو انكبت عليك القهوة ..

وهم حاطين المقياس المتعارف عليه والمسموح عالمياً في الاجهزه ..

عشان محد يقاضيهم بعدين بعد مايحترق من أجهزتهم ،

لكن

في طريقة معتمدة لرفع درجة حرارة الجهاز ..

وشرحتها كثير بسنابي وبرجع اشرحها لكم الأن ،

ركزوا ..

( الطريقة الصحيحة في إعادة برمجة جهاز النيسبريسو " لاتيسما " )

" كيف نخلي الحليب حار ؟ كيف نخلي القهوة حارة؟

حرارة الحليب ماتعجبنا نحسها دافية مو حارة .." 

واسأله كثير نفس هالموضوع ..

خطوات البرمجة :

1- سكروا الجهاز ..

2- وهو مغلق نضغط الزرين الي عليهم رقم 1 .. نضغطهم مع بعض بنفس الوقت والجهاز مغلق وثبتوا بالضغط عليهم لاتشيلون يدكم 

3- مازالنا ضاغطين على رقم 1 .. نقوم نفتح الجهاز بيدنا الثانية واحنا مازلنا ضاغطين مانشيل يدنا ابد عن رقم 1.

4- بعد مانفتح الجهاز واحنا مازالنا ضاغطين على رقم 1 .. نلاحظ ازارير رقم 1 صارت تومض " تأشر " اذا شفناها كذا خلاص نشيل اصابعنا من رقم 1 ..

5- مبروك تمت العملية بنجاح وصارت قهوتكم بعد اليوم حارة 😉❤

وهنا شرح بالفيديو

ِثانياً: كيف تحافظين على جهاز القهوة :

هذي الخطوات لازم تتبعينها إذا تحبين تطولين عمر جهازك

و تحافظين على جودته وجودة القهوة طول السنيين ..

1- تنظفين صانع الحليب قبل كل استخدام وبعد كل استخدام بالضغط على زر البخار.. لازم قبل وبعد عشان نتأكد من سلامة ونظافة مداخل ومخارج فوهه الحليب .

2- خزان الموية يتنظف كل يومين تقريباً ..

3- تضغطين زر الاسبريسو" كأنك بتسوين اسبريسو" لكن بدون ماتكون فيه كبسولة.. يعني يكون فاضي! ليش ؟

ينظف لك مخارج القهوة من رواسب سابقة خصوصاً لو كنتي مستخدمه

قهوة بنكهات مختلفة وحبيتي تغيرين النكهه !

لابد من تنظيف مخارج القهوة بعد كل استخدام ..

4- كل 6 شهور تسوين لجهازك تنطيف عميق " الطريقة بالتفصيل لاحقاً بالبوست "

5- صانع الحليب بأمكانك تحفظين الحليب فيه بالثلاجة لمدة يوم فقط..

6- احرصي على نظافة الجهاز بشكل عام..

7- انتبهي تحطين موية حارة بخزان الموية فقط موية فاترة ..

ثالثاً : أنتبهي تضيعين هالقطعة ،

لو ضاعت عليك مشكلة .. القطعة موجودة بحافظة الحليب 

أساله متفرقة جاوبتها سابقاً يمكن تفيدكم:

- الحليب الي استخدمه المراعي فريش / بالمحلات والكوفي شوبز يفضلون نادك طويل الاجل يقولون يعطي نكهه افضل ويخلي الرغوة ثقيلة وكثيفة .. جربته عادي او بالاصح ماعجبني ، أفضل الحليب الطازج 👍❤

- ليش الجهاز يجي دافية قهوته؟ لان يخافون الناس تحترق من قهوتهم ويقاضونهم بعدين .. فصاروا يخلونها لكم دافية وانتم بكيفكم تغيرون برمجتها بعدين

- اقدر استخدم الكبسولات مرة ثانية واعيد تعبئتها ؟

لا انتبهوا .. ما انصح ابداً يقصر عمر الالة ويمكن تخرب عليكم وماعاد تشتغل

بنفس جودتها سابقاً ، وسبق قريت وسألت كثير عن هالموضوع والكل

نبهني من هالحركة وأنتم بكيفكم عاد ..

- 

- وش انواع القهوة الي تحبينها ؟

الجدير بالذكر ، الجهاز أول ماتشترونه يجي معه عينات للتجربة ..

اتوقع 12 نوع قهوة  " حبة من كل نوع " من الثابتة عندهم مو اللتمد! 

ذوقوها قبل تشترون لو محتارين ، وفروعهم كلها يذوقونكم اي قهوة

قبل تشترونها ☕ ..

لاتستحون اطلبوا منهم تذوقون الانواع ❤

وهذي أكثر أنواع أحبها عندهم " ذوقي القهوة Strong \ قوي "

- Kazar " هذي الحب "

- Roma

- Arpeggio

- RistRetto

وشهرياً تقريباً ينزلون أنواع لمتد من القهوة وأنوعها ..

فروع نيسبريسو بالسعودية :

- جدة: 

رد سي مول / السلام مول / مجمع العرب / شارع التحلية جمب ڤان كليف ومعوض " احلا فرع عندي كخدمة " و ساكو بجميع الفروع

هذي الي اعرفهم..

- الرياض:

النخيل مول / غرناطة مول / ساكو

- الشرقية: 

الظهران مول / الراشد مول

.

وبس 

اتمنى أني وفقت بالطرح ..

وكوب قهوة ممتع لكم ☕

دمتم بحب ،

Reem