باي باي قشرة الشعر! .. الحل المثالي للتخلص من قشرة الشعر نهائياً

الحل النهائي للقشرة والحكة للشعر بأذن الله 💕 ..
" شامبو نيزورال "

- كيف اكتشفت هالشامبو ؟

هالشامبو عرفته من أمي ..

من زمااااان جداً طلعت لي حكة خفيفة بفروة الراس مادري وش مصدرها لكن على طول تداركت الموضوع بعد مانصحتني أمي 💕👍
تقول انها تستخدمه من سنييين ، ومعتمدة عليه كلياً للقشرة او حكة الفروة ، بس لازم تركزون بطريقه استخدامه ..

- وش سالفة شامبو نيزورال ؟

شامبو يحتوي على مادة فعالة اسمها كيتوكونازول

بنسبة 2% .. وظيفتها القضاء على الفطريات والالتهابات الفطرية وكل ماينتج عنها

من حكة او قشور سواء في الشعر او في الجلد !

- أسباب قشرة الشعر او الحكة :

في أسباب كثير .. ممكن نكون مستخدمين شامبو بكثرة أو شامبو

مايناسبنا ، أو ممكن تستخدمين منتجات للشعر كثيرة

وهالشئ سبب لك تراكم طبقات دهنية ومنتجات كيميائية على فروة الراس

وبالتالي تكونط ريقتها الوحيدة في الدفاع عن نفسها " القشرة "

والحكة نفس الشئ ، في أنواع شامبو اذا استخدمتها احس بحكة غريبة بشعري

بس امشي واحك ! والسبب مو منك ..

السبب في الشامبو يعني انه ماناسبك ولاتزم تغيرينه ،،

برضو المبالغة في عمل حمامات زيت للشعر وعدم تنظيفها بالطريقة الصحيحة

في عوامل كثير تسبب لنا هالاشياء فلازم ننتبه لها  زين !

أولاً : نصائح مهمة قبل الإستخدام:

أهم نصيحة أقدمها لكم ، لاتكثرون من استخدامه بحجة تبون فائدة اكثر ..

انتبهوا بنات ترا مرررررة يجفف الشعر وقوي مرررة على فروة الراس ..

وهالشئ طبيعي جداً " لانه شامبو معالج " وأي شامبو علاجي يجفف الشعر بحكم المواد الموجودة فيه ..

- كم مرة نستخدمه ؟
إذا كنتي تعانيين من القشرة او الحكة بالشعر فقط ..
استخدميه ترويشه ايه وترويشه لا ،
ليه ؟ لان زي ماقلت يجفف الشعر وماتبين تدخلين بمشكلة جفاف الشعر !

- لين متى أستخدمه ؟
يفضل اول مايحل مشكلة شعرك توقفين استخدامه تماماً..

يعني استخدمتيه شهر مثلاً وبعدها خلاص اختفت القشرة ، خلاص وقفي إستخدامه 👍

- يخرب الشامبو إذا طول عندي ؟
لا ..

خليه عندك لوقت ماتحسين انك تحتاجينه ،

ويطوول ترا عندك .. بس انتبهي لتاريخ الانتهاء 



ثانياً : طريقة الإستخدام :

غسلي شعرك بالموية زين..

خذي شوي من الشامبو وحطيه على اطراف اصابعك ، ومرري الشامبو بشكل مساج على فروة الرأس فقطططط 💕
بس الفروة بنات .. لاتحطونه على كل الشعر !

لانه بيجفف لك شعرك لو حطيتيته عليه
وخليه من 5 - 7 دقايق ..
وخلال هذا الوقت غسلي باقي شعرك بشامبوك العادي " مو بشامبو نيزورال "

يعني استخدمي نوعيين شامبو واحد لفروة راسك وواحد لباقي الشعر !

وبعدها عادي اشطفي شعرك بالموية وتأكدي انه نظف تماماً من اي رواسب للشامبو ..

وانا انصح انك تحطين بلسم على اطراف شعرك عشان لو جف شوي من الشامبو يرجع الرطوبة لشعرك " اي بلسم تحبينه " ..
وبس بنات هذي هي طريقة الشامبو 💕👍


- استفسارات ممكن تجيني :

- متى بشوف نتيجة حلوة ؟ من ثاني او ثالث استخدام ..
- عادي استخدمه في كل شور ؟ لا .. لانه قوي على الشعر .. انتي بكيفك اولاً واخيراً
- من وين ؟ بكل صيدليات السعودية ..
- بكم سعره ؟ مااذكر للامانة بس رخيص اتوقع حدود ال 20 - 30 ريال
- يناسب الحامل او المرضع ؟ استشيري طبيبك أفضل

- يناسب الشعر المصبوغ ؟ طبعاً .. لانه شامبو علاجي فقط

- تحذيرات :

- توقفي عن استخدام الشامبو إذا حسيتي بتهيج او احمرار بالبشرة

- توقفي عن إستخدام الشامبو إذا حسيتي بصداع


أماكن توفره :
كل الصيدليات .. الصغيرة والكبيرة

تقيمي له :
10/10

وافضل من كثيررر شامبوات تسوي نفس الشي

رغم انها اغلا منه لكن مافادتني كثر هذا ! 

دمتم بحب ،

Reem