Bioderma Vs Garnier | مقارنة بين منظف الميك أب من بايوديرما و قارنية ..

السلام عليكم 💕 ..

موضوعنا اليوم تكلمت عنه بسناب قبل يومين .. 

مؤخراً انتشرت فكرة عند البعض بأن مزيل الميك اب غارنييه هو البديل الارخص للبايو ديرما! 

هل هذا الكلام صحيح ؟

خلونا نشوف مع بعض ..

أولاً :

🌼 Micellaire water: 

هي موية معززة بالاوكسجين وبعض المواد

اغلب شركات الميك اب والكريمات قامت تدخلها

في منظفات الميك اب.. وكثير ماركات تلاحظون هاليومين صاروا ينزلونها بمختلف انواعها وجودتها.. اليوم تركيزي فقط على هالاثنين !

( Bioderma )

الي يعرفني يعرف اني اعشق البايوديرما..

وصارلي اكثر من 4 سنين استخدمه! 💕💕👍

ممتاز جداً جداً لمسح المكياج سواء كان ضد الموية او لا.. 

نشوف خصائصه:

- خالي من الباربين / ضد الحساسية.. 

- سهل وسريع من مسحة وحدة

تقريباً يشيل كل شي !

- مايجفف البشرة

- يستخدم كتنور قبل الكريم المرطب

- يزيل مكياج العيون

- مايحسس البشرة ولا العيون

- آمن جداً

- يوجد انواع منه للبشرة الحساسة

الي لونه اخضر ، لكن افضل البنك لجميع البشرات ..

- يطول مايخلص معاك ..

- تحسين بشعور النظافة بعده ..

- ممتاز للسفر سهل التنقل فيه

- اضبط فيه طرف الوينق لاينر 

- مايحتاج لشطف من الموية بعده ، بس انا لازم 

اغسل وجهي زين بعد كل منظف! 

- عيبه الوحيد..

المبالغة بسعره ، كل فترة يرفعون سعره..

اوقات يسون عروض عليه افضل سعر له! 

( Garnier )

كثير سمعت وقريت بلوقرز مشبهينهم هالاثنين ببعض ..

والبعض يوصف انه تفوق على البايو ديرما! 

هل هذا صحيح ؟ أو  اشاعات كالعادة ؟

وعشان أتأكد بنفسي ..

استخدمته فترة نص وجهي امسحه بهذا..

والنص الثاني بالبايوديرما ، 

تقريباً أسبوع عشان اختبرهم زين لكم 

وش لاحظت ؟

- يدبق الوجه

- شعور مزعج بجفاف البشرة 💔

- يمسح الميك اب بعد ثالث مسحه تقريباً " بعناء شوي " ..

ياخذ وقت للمسح!

 - ماهو ممتاز للميك اب الي ضد الموية 

" بإختصار لاهو يشبه له ولا ولد عمه " ..

مادري كيف شبهوه فيه !

او هل فعلاً الي مشبهينه فيه مجربين البايوديرما أصلاً ؟

ماأعتقد أبداً ..

خلونا نشوفه سواء 

- خصائصه:

- مناسب للبشرة الحساسة

- خالي من الباربين / الكحول / العطور

- سعره مناسب جداً ..

تقريباً نصف سعر البايوديرما!

- مكوناته كاتبين انها مشتقة من الطبيعة..

- يتوفر بكل السوبرماركتات والصيدليات 

- عيوبه ..

ذكرتها فوق 💔 ..

- تجربتي بإختصار: 

قارنيه مايشبه ابداً ولايحل محل البايوديرما.. 

وأي نعم طاح بكبدي ! صرت أنظف فيه يدي بعد سواتشات الميك أب ..

ومن الظلم جداً نقارنهم ببعض! 

- تقيمي: 

بايوديرما 10/10

قارنيه 7/10

دمتم بحب ،

Reem