ماسك الطين الهندي | Indian Healing Clay ..

Indian Healing Clay

" World Most Powerful Facial "

هالماسك عامل ضجة في أنحاء العالم ،

مابقى أحد ماتكلم عنه أو استخدمه ..

هل فعلاً يسوى كل هالضجة ؟ يستاهل اشتريه ؟

ماسك الطين الهندي  ..

تكلمت عنه بسنابي كثير ودايم أنصح فيه 

للبشرات المتخلطة او الدهنية ، الجافة تبعد عنه تماماً

عبارة عن طين هندي خام بدون أي إضاافات ..

طبيعي ١٠٠٪

 يساعد على تنظيف البشرة من الأعماق " تنظيف عميق "

وشدها وإزالة الدهون منها .. والتخفيف من أثار حب الشباب ويصغر حجم المسامات 💕

روووعة حبيته وصدق فرقت بشرتي علي .. ويسوا الضجة الي عليه 👍💕

ويعطيني مفعول مقارب لمفعول " تنظيف البشرة في الصالونات "

بدون مبالغة من أجمل الاكتشافات ..

كم صارلي استخدمه ؟ سنتين وللحين صامدة عليه وماله منافس !

ينافس كثير ماسكات اغلا منه ..

- طريقة الإستخدام:

تحطون شوي من بودرة الطين " تقريباً ملعقة " ..

استخدم ملعقة بلاستيك او خشب ، ابعدوا عن الملاعق المعدن !

وتضيفون له واحد من الاثنين ( خل التفح العضوي أو موية )

لكن يفضل خل التفاح العضوي لو بشرتك دهنية 

جربت الاثنين وشفت فعالية اكثر ونتائج أفضل مع خل التفاح ..

واخلطوه كويس وبسرعة قبل يتكتل لين توصلون لقوام الماسك المطلوب ، وحطوه على بشرة نظيفة ..

بشرة نظيفة = مغسلينها بغسولكم + مسوين لها سكراب خفيف 

لنتائج افضل طبعاً ..

بالبداية بتحسون في شي يقرصكم .. عادي جداً

بس بالبداية بعدين يختفي بعد كم دقيقة ،

صاحبات البشرة الحساسة او الي عندهم حبوب ( جربوا على جزء صغير من وجهك اذا ماحسسك كملي ) ..

وخلوه على وجهكم من ١٠-٢٠ دقيقة ..

أو أول ماتحسون انه بدا ينشف شوي

بتلاحظون بعد ماتغسلون الماسك وجهك احمر ..

عادي يخف بعد نص ساعه بالكثير

النتيجة تلاحظونها من أول استخدام 

رووعة !

وجهة صافي ومشدود وتحسون بشعور النظافة العميقة ..

بالضبط كأنك طالعه من جلسة فيشل !

لمعة صحية وجهك مشرق فيه حياة ..
الحبوب الي تظهر تحت الجلد مع الاستمرار تختفي
يشد البشرة بشكل ملحوظ " يناسب البشرات الكبيرة بالعمر "

" لاحظوا الكمية الي حطتها مسحة خفيفة ،

ماطمست معالم وجهها بالماسك ! "

بعض البنات يحسبون كل مازادوا كمية الماسك ..

كل مااستفادت منه بشرتهم وهالشئ غلط XXX

-

خل التفاح الي استخدمه ..

( خل التفاح العضوي من ابازير )

من الدانوب او التميمي ..

هل يعني انه الافضل ؟ لا فقط لانه متوفر

في أسواق السعودية ..

 تنبيهات :

- يستخدم مرة اسبوعياً

- اصحاب البشرة الجافة تبعد عنه نهائياً

- لاتبالغون في مدة الماسك ، المبالغة تعطيكم نتائج عكسية دائماً ..

-

- أماكن الشراء :

Herb

Amazon

دمتم بحب ،

Reem