الماسك الهندي : ماسك الزبادي والكركم لتفتيح البشرة ..

هاي بنات ،

ماسك اليوم من الماسكات المحببة إلى قلبي ..

 ( ماسك الزبادي والكركم )

هالماسك مشهور عند العرايس الهنود يسونه بيوم زواجهم ..

يفتح ويرطب البشرة وينورها لك ،

احب استخدمه باليوم الي يكون عندي فيه مناسبة مهمة ، فعلاً تحسون انه يعطي وجهكم نضارة ونور حلو  ..
ومناسب جداً للبشرة الي تعاني من حب الشباب ،
" الكركم يساهم في التخلص من حب الشباب عن طريق
تعقيم البشرة وتطيهيرها من الدهون "

او احب استخدمه بعد ماسك يجفف الدهون ببشرتي ، فعشان اوازن احط هالماسك ..

فضيييع واقروا عنه بقوقل ، بتحصلون انه ماسك معتمد قديماً 

حتى الامريكيات طايحين فيه باليوتيوب مؤخراً ..

جربوه وعلى ضمانتي ..

طريقة الماسك :

- كركم خاص بالبشرة والجسم من العطارين ، غير عن الاكل ..

انتبهوا تستخدمون كركم الاكل بيقلب وجهك بيضه صفرا ..

- زبادي

- عسل

مقدار ملعقتين زبادي ونص ملعقة من العسل والكركم ..

كركم الجسم والبشرة مايقلب لكم جلدكم اصفر ولا يصبغ ، غير تماماً عن كركم الاكل .. تحصلونه في محلات التجميل أو العطارة ،

طريقة الاستخدام :

أمسحي مكياجك لو كنتي حاطة وغسلي وجهك بغسولك ،

وبعدها يُفضل تعملين تقشير " سكراب " للبشرة ..

للقضاء على الجلد الميت ولتستفيد بشرتنا من الماسك أكثر ..

بعدها ..

اخطلوا المكونات ومدوها على بشرتكم " تنفع للوجه وللجسم " .. واتركوها لين تنشف تقريباً ٢٠ دقيقة واغلسوها بموية فاترة تميل للبرودة
وبعدها رطبوا بشرتكم ..
وشوفوا كيف الوجه صار فيه نظارة حلوة وإشراقة صحية !

دمتم بحب ،

Reem