تجربة التسوق أون لاين من موقع فيرفيتش | My online shopping experience with Farfetch ..

وشو فيرفيتش ؟

موقع أون لاين للهاي أند براندز ..
يسمح لك تتسوقين لاكثر من ٤٠٠ فاشن بوتيك

حول العالم تحت سقف واحد وموقع واحد !

يعني بدل ماتفرفرين مواقع كثيرة للهاي أند براندز ..

جمعوها لك بموقع واحد 💕 !

وفيه ميزة هالموقع فضيعة وهي الي ميزته عن مواقع كثير ..

نفرض مثلاً قررت اشتري شنطة من D&G

يروحون بنفسهم لبوتيك D&G ويشترونها لك ويغلفونها ويرسلونها 

بإختصار كأنهم البيرسونال شوبر الخاص فيك عالمياً !

والموقع أصلي ومضمون ١٠٠٪

وأذا عندك شك لاسمح الله تواصلي مع موقع البراند الي تحبينه

واسأليهم لو لهم تعامل مع هالموقع ..

والجميل فيه ..

يشحن دايركت للسعودية 

مايحتاج شحن على بريد أمريكي ولا شئ 

وأحب فيهم دايم يسون تخفيضات حلوة ..

واسعارهم نفس اسعار القطع بالبوتيكات ،

طبعاً اتكلم عن بوتيكات البراندز برا مو بالخليج !

معروف عندنا رافعين الاسعار : )

سمعت عن هالموقع وعن شهرته ..

وقررت أجربة بعيد ميلاد أخوي !

لأني دورت خيارات هدية لرجالية مناسبة ..

للأسف كل الي بسوقنا المحلي مستهلك وقطع قديمة !

-

DOLCE & GABBANA

classic bill fold wallet

 

أخترت محفظة أسرني لونها جداً ..

ازرق مايل على كحلي مدري كيف اوصفها لكم وجمال اللون والجلد من دولتشي اند قابانا 💘 ..

حسيتها فخمة وعملية !

الي يعرفني ، يعرف اني اعشق هالبراند واحب جلودهم خصوصاً بالمحافظ 👌

الطلب جداً سهل .. يقبل فيزا السعودية أو الدولة الي انتي فيها ،

مايشترط بطاقة معينة ، اهم شئ فيزا !

 لكن أنا دفعت بالأمريكن اكسبريس ، وكلفني الشحن تقريباً 30$ ..

يعني ١٢٠ ريال تقريباً ، الطلبية 5 أيام وهي واصلتني ..

شحنهم سريع ووصلتني بشكل مرتب وانيق " نسيت اصور لكم الكرتون "

عن طريق فديكس " سمسا حالياً " ..

وهذي هي طلبيتي :

معها كل شئ الديست باق والي يحفظها من التمخيش " مدري وش اسمه " !

المحفظة سعرها 235 $

تقريباً ٩٤٠ ريال ..

- كلفني كل شي مع الشحن 260$

١٠٤٠ ريال سعودي 

حبيت اهتمامهم بالتفاصيل والتغليف ، ارسلوا لي ايميل اول ماوصلتني..

يتأكدون من رضاي عن الشحنة ويشكروني على التعامل معهم ..

في ذوق أكثر ؟

وخدمتهم كانت رائعة ومارح تكون تجربتي الأخيرة !

- تقيمي لكل شي: 

الموقع وسهولته:5/5

الكولكشن متنوع وجديد.. الخدمة والسرعة: 5/5

التوصيل: 5/5

وقعت في غرام الموقع وخدمتهم وكل شي  ..

.

دمتم بحب ،

Reem