GUCCI Foundation: Lustrous Glow Foundation with SPF 25

GUCCI Foundation  

Lustrous Glow Foundation with SPF 25

( قوتشي والميك أب )

قوتشي من قريب سنة تقريباً ، بدأت لاين ميك اب خاص فيها ..

شدني هالفاونديشن ، خصوصاً وقت ماشريته محد تكلم عنه فكنت متحمسه اجربه 

وصارلي استخدمه تقريبا 8 شهور 💕

أشتريت هالفاونديشن من بوتيكهم في لوس انجلوس ..

عنوان البوتيك :

بوتيك قوتشي / روديو رايڤ / بيڤرلي هيلز

وهذا عنوانهم بالتفصيل :

 347 N Rodeo Dr, Beverly Hills, CA 90210, United States

وقعت في غرامة وقت ماستخدمته على الموظفة في بوتيكهم ..

والدرجة درجتي بالضبططط 

درجتي : 100 مايلة  بيج مايل للصفار ،

الفاونديشن في موقعهم هنا ..

أول شي لفت انتباهي التعليب الفخم ❤

 ابدعوا ابدعووووا ..

العلبة مصنوعة من الزجاج مطعمة بـ اللون الاسود والذهبي

معطيه لمسة فخامة وبرنت قوتشي " السيقنتشر "

موجود ع الغطاء ..

وأروع شي في التعليب كله " الضغاط " ..

ويعطيكم من اول ضغطة كمية كافية جداً 

( تفاصيل الفاونديشن )

يحتوي على زيوت مفيدة للبشرة ..

وعامل حماية 25 يعني ينفع استخدامه صباحاً ومساءً

ونصيحة قبل تستخدمونة لاترطبون بشرتكم

بشكل عميق ! رطبوا ترطيب خفيف

لان الفاونديشن فيه ترطيب 

تغطيته من خفيف - متوسط ..

ضغطة وحدة تكفي كل وجهك 

( طريقتي في وضع الفاونديشن )

أستخدم قبل وضع الفاونديشن البرامير الخاص بقوتشي

" بتكلم عنه بالتفصيل في بوست آخر "

و أحب أستخدم في مد فاونديشن قوتشي هالكابوكي برش

المسطحة من سيقما رقمها F80

من أشهر فرش سيقما للفاونديشن والأروع على الاطلاق !

روعة معاه تعطيني تغطية بيررررفكت معاها موزعه بالتساوي

هذي الفرشة تشترونها لحالها ماتجي مع مجموعة من سيقما ..

ومن الفرش الي دائماً وأبداً أنصح فيها للفاونديشن

بطله شوي عليه !

وتستاهل كل الضجة والحب الي عليها ،

من سنيين أستخدمها ومازالت كأنها جديدة !

ومالقيت لها بديل أبداً ..

اشتريتها من موقعهم بـ 24$

من هنا ..

أو

إذا تحبين تغطية خفيفة استخدمي البيوتي بلندر فقط ..

يناسب مين ؟ 

يناسب البشرة الجافة والعادية والمختلطة الى عادية ..

لكن انصح للي بشرتها مختلطة تثبت الاماكن الي تدهن عندها بباودر ..

- برأيي ماهو مناسب للبشرة الدهنية ..

( الفينش / شكله على الوجه )

بشرتك صحية اكثر

لمعة نظارة جممممميلة ❤

يخلي شكل بشرتك احلا انعم اجمل ❤

خفيف ع البشرة ماتحسين طن فوق وجهك !

أكره شعور الي حاطة كيلو ميك اب فوق وجهي ..

مايتأكسد ..

مناسب لجميع الاوقات ..

احب استخدمه للمناسبات والعزايم والطلعات الصباحية

المهمة والي لازم يكون فيها الميك اب تبعي نظيف ومرتب 

 تقيمي :

5/5

 سعره :

65$

وين ممكن نحصله ؟

الرياض / هارڤي نيكلز

ويمكن بوتيكات قوتشي ..

جدة / ماشفته للآن عندنا !

دبي / سيفورا دبي مول

-

دمتم بحب ،

Reem