Avocado Hair Mask
من أحب الماسكات الطبيعية إلى شعري ..
يكثف / يطول / يغذي / يعطي لمعة
نحتاج إلى :
1- أڤوكادو ناضجة
" طريقة بسيطة لتسريع نضج الأفوكادو ،اذا اشتريتوها من السوبرماركت عادة تكون قاسية وهالشئ طبيعي ..معناة الافوكادو توها ماوصلت مرحلة النضوج! لفوها بورق قصدير او ورق مطبخ او حتى جريدة واحفظوها مع البصل والبطاطس لانه يسرع نضوجها او احفظوها قريب من شباك المطبخ او من مصدر للشمس "
2- علبة زبادي
3- ملعقتين عسل
4- ملعقة زيت جوز الهند العضوي
" أو اي زيت يرتاح عليه شعركم "
لكم حرية الاختيار بالزيت ..
زيت زيتون / زيت سمسم / زيت خروع .. الخ
الشعر الدهني جداً أستغني عن الزيت !
يستخدم ..
مرة اسبوعياً - لمدة ساعه
أفردية على شعرك بالتساوي ،
وغطيه لمدة ساعة ..
وتأكدي فروة راسك وصلها الماسك ،
واعملي مساج بيدج لفروة شعرك لمدة دقيقتين قبل تغطينه ..
وخذي شاورك العادي وأغسلي شعرك بالشامبو زيين !
لكن تأكدي من غسل الشعر من الماسك جيداً
ولأني ماقدر اصور شعري : )
جبت لكم صور من النت لنتائج هالماسك على الشعر
فوائد الماسك للشعر:
يغذي الشعر من قلللللللللللب ❤
يغذي فروة الراس
يقلل من التقصف
يقلل من نفشة الشعر❤
يعطي لمعه خياااااااالية من اول مرة
يكثف الشعر مع الاستمرار ..
مفيد جداً للشعر التالف من الصبغات
مايغير لون الصبغة لو أنتي صابغة !
فضيييع فضييع هالماسك لو امدح فيه لبكرا ماوفيته ..
مستمرة عليه سنييين من أيام أمريكا اسبوعياً
ما اتركه ..
فعلاً يفرق معاكم الماسك مو كلام فاضي !
شعرك بعده يتغير تحسين صار فيه حيااااة ❤❤
Tips
« نصيحة »
اخلطيهم كلهم بالخلاط محتويات الماسك ..
" الخلاط يخلط كل مكونات الماسك بسلاسة بدون مايترك قطع تنشب بالشعر "
أخلطي كل شئ ..
ماعدا الزيت ، وخذي من الماسك ملعقتين على جنب
وخليه ماسك لوجهك ❤ ..
2 × 1 😂
وضربنا عصفورين بحجر !
ماسكات الوجة ماحب احط فيها زيوت ..
-
فوائد ماسك الاڤوكادو للوجه:
يرطببب
يغذي البشرة
يعطيها نضارة
يزيل شحوبها
اشتهر ماسك الاڤوكادو للوجه بعد ماسألو كيم كاردشيان عن سر جمال بشرتها !
وقالت ونزلت صورة لها بماسك الاڤوكادو..
فعلاً بطططل !
بالنسبة لي أفضل أعمل ماسك الأڤوكادو بالبيت ..
ماحب الجاهز حق الوجه !
إذا هو بهذي السهولة ليش اشتري شئ مو فريش ؟
-
دمتم بحب ،
Reem
-
شكرا ريمو ويعطيك الف عافيه💖💖
ReplyDelete