عجينة أمي المعتمدة للفطائر من سنييين .. !

السلام عليكم ،

مع قرب رمضان أحب أهديكم هالوصفة اللذيذة ..

عجينة مامتي للفطاير  ..

نزلتها سابقاً على السناب شات ، لكن هالمرة بتطبيق لها 

ماشاءالله تبارك الله ، كل ماحطها بسناب

تجيها الاف الكابتشرز وكل من جربها

يدعي لأمي عليها ❤

بترك لكم الحكم .. جربوها وعطوني رايكم 

‏عجينة أم ريم للفطاير :

-كاستين ونص دقيق

-علبة زبادي

-ربع كاس زيت

-٤ملاعق كبيرة سكر

-ملعقة وربع كبيرة خميرة

-ملعقة وربع كبيرة بيكنج باودر

-لبن للعجن .

نخلط كل شي سوا ونعجنها باللبن ..

وتقريباً اللبن يكفيكم فنجال شاي او اقل

لين ماتحسونها تماسكت ..

وتدهنون سطح العجين بزيت وتغلف بنايلون وتترك للتخمر ساعة ..

وبعدها شكلوها زي ماتحبون !

تنفع لكل انواع المعجنات والفطاير والبيتزا وخلية النحل والسينبون ..

وجمال هالعجينة انها تجلس هشة ولينة معجناتكم

لثاني ولثالث يوم ماشاء الله ..

★ حشوة السبانخ:

بصل شرايح كثيررر تحمسونها بزيت زيتون غزير ..

لين يذبل وتضيفون له ملح الليمون والسماق وكثروا سماق ..

بس هذي البهارات وبعدها حطوا السبانخ " بيتنا نحب نستخدم المثلجة " واحمسوها شوي وبس .. .

دعواتكم لأمي ، ربي يحرم يدياتها من النار ..

وجميع أمهات المسلمين : )

-

أحب أشكر كل الي ارسلوا لي تطبيقاتهم على السناب شات

وحبوها وأعتمدوها :*

نشوفكم ببوستات قادمة ،

Reem